اسكريبت كامل بقلم سولييه نصار
المحتويات
مراد انت بتحبني
قولتها بحزن ...وبصيت ليه لقيته مشغول بالموبايل
...اتعصبت وانا بسحب منه التليفون وزعقت
خلي عندك ډم واسمعني
بصلي پغضب وسحب تليفونه وهو بيزعق
مالك يا سلمي علي الصبح ...فيه ايه
بلعت ريقي وانا بقول بإنكسار
انت بتحبني !
عاملة الدوشة دي كلها علي السؤال التافه ده مالك يا سلمي شاربة حاجة يا حبيبتي !!!!
لا .
قالها ببساطة ...ببرود ومن غير ندم متجاهل قلبي اللي اتكسر ....عيوني دمعت بس سيطرت علي نفسي وقولت
طيب ليه اتجوزتني !
بصلي ورد بعملية
انتي مثقفة...جميلة ومنظمة ...طبخك يجنن والأهم اخلاقك عالية اقدر اخليكي تربي عيالي وانا مغمض عيني.
والحب
ضحك بسخرية وقال
الحب خرافة يا حبيبتي مش بيدوم لكن الاحترام بيدوم وانا بحترمك ومش مقصر صح ..انا مش مقتنع بالحب خالص ...وبعدين يا لولو ما خلينا كويسين مع بعض ...حب ايه وۏجع دماغ ايه
مشكلة الستات انهم ورديين زيادة عن اللزوم ...بس اعمل ايه ...قولتلك قبل كده انا مش هديكي قلبي هديكي احترامي .
متحملتش كلامه وقومت ودخلت الأوضة وقفلت عليا الباب وانا بنهار علي السرير ..كنت ببكي بإنهيار....شعور صعب انك تحب واحد بكل مشاعرك وتعمل المستحيل عشانه وتكتشف انك مش في قلبه حتي ولا علي باله...تكون علاقتكم مجرد حقوق وواجبات بس ....فجأة قومت ومسحت دموعي وقررت اني مستسلمش ...انا هحصل علي قلب مراد وهخليه يحبني ...
سلمي انا
تحب احضرلك الغدا يا حبيبي
ها!
الغدا ...الغدا احضرهولك
هز رأسه فروحت بسرعة عشان احضر الغدا ...بص مراد عليها لما مشيت وقال
عوض عليا عوض الصابرين دي اټجننت ولا دي هرمونات ولا ايه !!!
مرت الايام وانا بحاول اكسب قلب مراد للاسف فترة خطوبتنا كانت صغيرة اووي ملحقناش نعرف بعض كويس وقررت اعوض ده دلوقتي ...كنت بتكلم معاه كتير ...حتي لما يكون حابب يمسك التليفون باخده منه وبجبره يسمعني ....اهتميت بيه وشاركته كل حاجة بيحبها ...خرجنا وهزرنا ...مكناش زوج و زوجة وبس ...كنا اصحاب كمان ...كان بيحكيلي علي مشاكلة بأريحية وانا وانا كنت بسمعه...فجأة حالة اتغير ...بقا متفائل اكتر ...بيهتم بنفسه اكتر وبيبصلي بنظرات غريبة ...كنت طايرة من الفرحة اكيد هو حبني ..
طلب يقعد معايا ويكلمني ...
خير يا مراد معطلني عن شغلي ومخليني جمبك كده ليه !
سلمي انتي مش بس مراتي ...انتي صاحبتي وعايزاكي تسمعيني دلوقتي زي ما سمعتيني دايما
قلبي دق ...اخيرا هيعترف بحبه ...بصتله بإهتمام وعيوني لمعت وقولت
قول
ابتسم وقال
سلمي انا بحب واحدة وعايز اتجوزها !!!
يتبع
الفصل الثاني
ايه ...حبيت واحدة غيري ...
كنت مصډومة ...عينيا دمعت وانا ببصله ...يوم ما يحب يحب غيري ...
اتوتر مراد
متابعة القراءة
