اسكريبت كامل بقلم ايمان شلبي
المحتويات
اسكريبت إيمان شلبي
بقي هو ده العريس اللي ماما منكده عليا عشان اقابله لا حول ولا قوه الا بالله سبحان الله ويخلق ما لا تعلمون
قولتها بذهول في نفسي وانا قاعده قدام عريس الهم والندامه اللي كان بيطرقع لبان!
بالله حد يجي يلحقني قبل ما اقوم اطبق في زماره رقبته ياناس
بصلي من فوق لتحت وبعدها حط رجل علي رجل
رفعت حاجبي وانا برد بضيق
هاي ورحمه الله وبركاته
طرقع لبان بصوت عالي وعمل بلونه كبيره مفكر نفسه منفاخ بروح مامته
انتي اسمك ايه
رديت بسخرية
وانتي متعرفيش العروسه اللي متقدمالها اسمها ايه يابيضه
اتعصب ورد بتذمر
انا ولد علي فكره
برقت عيني بذهول
وربنا اومال متنكر في صوره بنت ليه ياعسل
بصي يا انسه انا عندي شويه شروط كده عشان اوافق اتجوزك
كل اذني صاغيه
اول حاجه لو بتتعملي هتوقفي تعليم تاني حاجه لو بتشتغلي مفيش شغل انا أقدر اصرف عليكي تالت حاجه احنا هنعيش في بيت عيله بس كل قعدتنا هتكون عند ماما تحت وتسمعي كلام ماما وتحترميها واي حاجه اقولك عليها تعمليها من غير نقاش وهتلبسي نقاب لاني راجل شرقي محبش حد يشوف مراتي
طب مش عايز شيكابون لأمك بالمره ياكتكوت
رفع صباعه في وشي بتحذير
احترمي نفسك يا انسه وإلا....
قاطعته پخوف مصطنع
ايه هتروح تشتكي لمامتي وتقولها اني اخدت منك كيس الشيبسي بتاعك خلاص متعملش كده انا اسفه هديك تمنه
قام وقف وهو متعصب
اتعصبت انا كمان وانا بمسك فازه كبيره وبحركها قدام وشه
غور ياض من هنا بدل ما افتحلك دماغك بيها قال مفيش تعلم ولا شغل وعايزني البس نقاب كمان مش عايز بالمره يا محور الكون يا أخر قطعه في الكيمو كونو
وقف علي الكنبه وهو بيشاورلي بأيده
لو سمحتي اهدي كل حاجه بتتحل بالعقل
بلع ريقه وهو بينادي علي مامته بصوت عالي
برقت پصدمه وانا برد بذهول
بتتهجم عليا ينيلك راجل مش مكسوف من نفسك وانت بتقول كده نهار اسود
بابا بقلق
رديت عليه پشراسه
عشان اهبل زي ما بتقول قال ايييه وقفي تعليم ومفيش شغل وهنعيش في بيت عيله وهتلبسي نقاب جايبينه من انهي داهيه ده يابابا
لا حول ولا قوه الا بالله استهدي بالله بس يابنتي وخلينا نتكلم بالراحه.
بلا راحه بلا بتنجان خليه ياخد بعضه هو والست الوالده ويتكل علي الله من هنا
نزل من فوق الكنبه ورد بغيظ
تمام احنا هنمشي بس علي فكره مش هتلاقي حد زي
زغرطت كرد فعل تلقائي مني
لولولولولولولي ياخويا بركه هو انا ناقصه بلاوي !
مسك ايد مامته اللي كانت واقفه منطقتش حرف واحد
يلا يامامي نمشي من هنا
ولف وشه مره تانيه وهو بيبصلي بقرف
وطيت وقلعت الشوذ بتاعي وانا بهوشه بيه
طلع يجري پخوف من قدامي ومامته ماشيه معاه وعيونها بتلمع بالدموع
تاني يوم كنت قاعده مع اصحابي في الكليه بحكيلهم علي اللي حصل مع عريس الغفلة وهما قاعدين بيضحكوا عليا
واحده صاحبتي بضحك
مش معقول بجد هو لسه في حد
بالعقليه ديه
هزيت راسي بيأس
متخلف
احم لو سمحتوا ممكن اعرف فين مدرج احمد فكري
قومت اتنفضت من مكاني وانا مبرقه پصدمه
انت
رفع حاجبه باستغراب
حضرتك تعرفيني
ربعت ايدي في بعض وانا ببصله برفعه حاجب
والله وعامل نفسك متعرفنيش كمان ياعريس الهم والندامه انت !
اتعصب وجز علي أسنانه
انا فعلا معرفكيش يا انسه انتي مين
رديت بعصبيه
متعرفنيش ازاي
متابعة القراءة
