صفقه جواز
المحتويات
نتجوز!انا مش عايز حاجة من فلوس جدك انا اقدر اعيشك كويس
اتعصبت وقومت وقولت بس انا مقدرش اخاطر يا هيثم انا مش هتنازل عن حقي مش هعيش شحاتة وانا معايا الفلوس دي !
هيثم يعني ايه يا جهاد !يعني اشوف البنت اللي بحبها بتتجوز واحد غيري
جوازنا هيكون صوري
وانا اضمن منين
بصيتله پصدمة وقلت انت مبتثقش فيا
جهاد متقلقش يا هيثم انا اتفقت معاه وغير كده اقدر امنعه كويس
مسكت ايديه وقولت
هيثم وافق عشان خاطري انا بعمل كده عشانناعشانك انت عشان نبني حياتنا الجديدة
هيثم ماشي يا جهاد اعملي اللي انتي عايزاه بس لو اكتشفت انك بتكدبي عليا فهمتي
هزيت راسي بتوتر وودعته ومشيت
انا موافقة اتجوزك وهنبلغ جدي عشان يبدأ في الإجراءات
زياد اجراءات ايه يا اوفر نكد انتي ليه وشك الخشب ده محسساني اني هنطلق و
قطع كلامه وهو بيبص لوشي وضحك وقال
اها عرفت ليه متضايقة اخدتي علقة محترمة منه يا مسيطرة صح !
ضحكت بتريقة وقولت طيب بالنسبة للبوكس اللي باين علي عينيك ده بوسة لا سمح الله ولا انك اخدت نفس العلقة يا مسيطر
لا انا احيانا بخلي شريكة حياتي من باب الديموقراطية عارفاني اني ديموقراطي جدا
جهاد انت هتقولي المهم هنقول لجدك امتي
زياد هنقوله بكرة ان شاء الله
تاني يوم
الجد ايه اللي في وشك كده يا زياد
زياد وقعت يا جدي
ضحكت وقولت بتريقة مش تسيطر وانت ماشي يا مسيطر
زياد بصوت واطي اخرسي لأقطع لسانك
الجد خبر جميل هبدأ فورا في التحضيرات وفرحكم هيكون اخر الاسبوع
يوم فرحنا انا وزياد
كنت واقفة قدام المرايا وانا متوترة امبارح بصيت علي نفسي في فستان الفرح اللي كنت بتمني البسه في يوم جوازي مع هيثم واديني لبسته لحد تاني في جواز مزيف عشان الورثالباب خبط ودخلت الدادة
هزيت راسي ونزلت وانا برفع فستاني
كان زياد قاعد جمب جده وهو متوتر اول ما رفع عينيه وشاف جهاد اټصدم من جمالها حس ان مش دي الجرجيرة اللي كان بيتنمر عليها دايما دي كانت احلي بنت شافها في حياته
زياد قال لنفسه يعني كان لازم اقول ان الجواز هيبقي صوري البنت طلعت جمل والله جمل مش هي الجرجيرة لا ابدا ده اللي انا مرتبط بيها تبقي جرجيرة وخيار كمان متبصش كتير عليها يا زياد حبيبها مصارع وممكن يكسر عضمك
بعد شوية كانوا كتبوا الكتاب وهيطلعوا للحفلة اللي عاملينها بره الفيلا
زياد وقف جده هو وجهاد وقال جدي احنا نفذنا اتفاقنا اتجوزنا انت بقا نفذ وعدك
الجد اكيد يا زياد
جهاد بلهفة ها امتي هتكتبلنا الاملاك بإسمنا
الجد بعد ما تجبولي حفيد صغير ان شاء الله
جهاد وزياد حفيد !!
الجزء التالت
جهاد حفيد ازاي يا جدي من فين اجيبلك حفيد انا !
جدي لسه هيرد راح زياد قال
جرا ايه يا جيجي معقول قعدتك مع الحيوانات نستك دروس الأحياء اللي كنتي بتأخديها ولا يهمك يا جدي نجيبلك حفيد
بصيت لزياد پصدمة ولسه هتكلم شدني لبرة علي الحفلة طول الحفلة ودماغي تودي وتجيب زياد يقصد ايه وليه زي ما يكون توقع ان جدي هيطلب منه الطلب ده ! وليه كان فرحان ومتحمس واحنا اصلا اتفقنا ان جوازنا هيكون صوري هي بيفكر في ايه بجد لان لو كان ناوي ييلمسني انا هقطع راسه فجأة حسيت بزياد هو بېلمس كتفي وبيقول
الحقي
بصيت
متابعة القراءة
