اسكريبت جديد وكاملة بقلم ڤونا ...( حواديت مريم و چون )
المحتويات
_صنايع!
وماله يا ماما صنايع مش فاهمة
_بقي بنتي المهندسة تتجوز واحد صنايع!!
أتكلمت بضيق_وماله يا ماما مش عيب ولا حرام
_بس مش من مستواكي
أتضايقت جدا_ماما!
من امتي وحضرتك بتحكمي علي حد من برا!
وبعدين مش عيب أنه دخل صنايع بالعكس كان مجتهد فيها
أتكلمت بسخرية_وبالنسبة لورشة الخشب اللي شغال فيها!
أتكلمت بهدوء_راجل محترم شغال شغل محترم وربنا واقف معاه
يا أمي أسم..
_قولت لاء يا مريم أنا بنتي تتجوز اللي شبهها
ويكون في علمك يوسف ابن خالتك طالب ايدك وجاي يتقدم بكرة علي الأقل دكتور قد الدنيا
كملت بسخرية_مش صنايعي
سابتني ومشيت قبل ما تسمع ردي!
هو في ايه بجد!هو أنا عايشة في الدنيا دي عشان أتغصب علي حاجات وبس لمجرد أنهم شايفنهالي أحسن!
دخلت أوضتي في هدوء
دخلت وقفلت الباب وسمحت لدموعي تنزل
ليه بيعملو فيا كدا!
ليه علي طول ببقي مجبرة!
أتنهدت بحزن واتجهت للسرير عشان أنام بس قاطعني رنة فوني
بصيت لقيته چون
كنت مترددة أرد بس رديت
أتكلمت وحاولت أعدل نبرة صوتي_ألو
مريم مال صوتك
_تعبانة بس شوية يا چون محتاجه أنام
قفلت الفون عشان عارفه أنه هيرن تاني
فصلت الفون ودماغي معاه
صحيت تاني يوم علي صوت ماما
_يا مريم اصحي بقي كل ده نوم
أتكلمت بنوم_نعم يا ماما
_قومي يلا عشان نلحق ننضف عشان خالتك وابنها جايين
نفخت بضيق_يعني خلتو غريبة يا ماما وبعدين ما الشقه نضيفه
أتصدمت من الكلمة_هو ايه اللي خطيب بنتك!مين قال إني هوافق عليه
طلعت برا ومهتمتش لكلامي!
للدرجادي أنا مش فارقه مع حد!
فتحت الفون لقيت چون رانن ٧مرات وباعتلي مسدچات
دخلت الشات وبعتله_معلش انبارح حقيقي كنت تعبانة ومكنتش قادره أتكلم
بعدها بدقايق رد_مش زعلان يا مريوم وعارف أنك مضغوطة بسبب مامتك وموضوعنا بس سيبيها علي ربنا ولو لينا نصيب صدقيني لو الدنيا اتطربقت هنكون لبعض
طب بالله أرد علي القمر ده أقوله ايه
مر اليوم بسرعه وخالتو وابنها جم اتغدينا سوا وبعدين طلعنا الصالون قعدنا
خالتوحبيبتي يا مريومه طبعا أنت عارفه إحنا جايين ليه
اتندهت_اه يا خلتو وآسفه بس مش موافقة
بصولي پصدمه وفجأة ماما قامت وقربت مني بضيق ومسكت دراعي پعنف لدرجة اني صرخت_بترفضي ابن خالتك يا مريم وكل ده ليه عشان بتاع صنايع
بدأت اتألم جامد_ايدي يا ماما
أتكلمت بعصبيه_أنت تخرسي خالص!!
عارفه يا مريم لو متجوزتيش ابن خالتك لا أنت بنتي ولا....
قاطعها يوسف بسرعه_خالتو
بصتله وبعدين كمل كلامه_أنا أصلا مش موافق كمان
يعني لا أنا موافق ولا هي فليه عايزين تحطونا في مكان مش بتاعنا خالص!!
إحنا طول عمرنا أخوات و..
قاطعت كلامة وأنا ببص لأمي وأتكلمت بعصبية_حتي أختيار شريك حياتي هتغصبوني عليه
كفاية بقي كفاية
هي حياتي دي لعبة في ايديكم غصبتوني علي علمي رياضه وأنا بكره الرياضه وأنا كنت عايزة أدبي!
غصبتوني علي هندسه وأنا كان نفسي في فنون جميلة!
ده حتي الشخص الوحيد اللي حبيته من كل قلبي وحبني بصدق بلا مقابل عايزين تبعدوني عنه
كفاية بقي حرام عليكم!!!
أنا بكرهكم كلكم! ربنا ياخدني عشان تستريحو
صړخت في آخر كلامي وبعدين حسيت بسواد في عيوني واغمي عليا
فتحت عيني بتعب وأول شخص عيني جت عليه كان چون
أتكلمت بتعب_چون
بصلي وقرب مني بلهفه_مريوم أنت كويسه
_الحمدلله
بصيت الجنب التاني لقيت ماما بصالي بحزن دموعي نزلت ساعتها ومقدرتش ابصلها
ديرت وشي الناحية التانية
لقيت چون مسك ايدي وطبطب عليها بحنان وبعدين خرج وفضلت أنا وهي
قربت مني ومسكت ايدي
بصتلها وتلقائي دموعي نزلت مع دموعها
أتكلمت
متابعة القراءة
