اسكريبت جديد وكاملة بقلم ڤونا ...( حواديت مريم و چون )
المحتويات
بصوت مخنوق_ليه يا أمي
هنا مقدرتش تستحمل وحضنتني جامد_حقك علي عيني يا نور عيني حقك علي عيني أنا أسفه اننا خلناكي تبقي في المرار ده حقيقي حقك عليا سامحيني يا بنتي أنا آسفه يارب كان يحصلي ده وأنت لاء
بادلتها الحضن_بعد الشړ يا أمي ربنا ميوريني فيكي حاجه وحشه ابدا
خرجت من حضڼي وبصتلي بحزن وندم_مش زعلانه مني
بعدها بفترة ماما وافقت علي چون لأنها أدركت اننا فعلا بنحب بعض وأنه مش بالشهادة إنما بالأدب والتربية الحلوة
ومرت الأيام والشهور واحنا مخطوبين وانهاردة فرحنا
وقت الفيرست لوك
_لفي بقي متدوخنيش وراكي
ضحكت ولفيت في الآخر
بصلي بحب وعيونه بدأت تدمع
حاولت أكتم دموعي_خلاص بقي متعيطش أنا حاطة ميكب ومش عايزة أعيط
همس في ودني_معرفتش طعم الحب إلا علي ايدك
حقيقي كان أجمل يوم في عمري كله
الحمدلله انا تعبت في حياتي كلها وربنا بعتلي چون هدية
كان شخص جميل هادي محترم وحنين وفوق كل ده مش بيتكسف يعبر عن حبه ليا أبدا
_مريوم
في المطبخ يا حبيبي
قرب مني وحضني من ضهري وطبع بوسه علي خدي_وحشتيني
روح غير هدومك وأنا خمس دقايق وهطلع الأكل
بالفعل راح غير هدومه وأنا غرفت الأكل وطلعنا اتغدينا سوا خلصنا أكل ودخلت المطبخ غسلت المواعين وهو كان بيساعدني
وبعدها دخل الحمام عشان ياخد دش
كنت قاعدة بطبق الغسيل فجأة لقيت اتبعتلي صور من رقم غريب
كان صورة لبنت كانت حاطه تلاته كيلو ميكب
اتسمرت مكاني معرفتش اعمل ايه كأني فقدت الحركة والنطق وكل حاجه
بعد مرور وقت خرج چون لقاني قاعدة باصه قدامي بشرود
قرب مني وطبطب علي كتفي_مالك يا مريوم
بصتله ولثواني سرحت في عيونه
أنا واثقه فيه جدا بجد وعارفه أن الصورة فيك بس ڠصب عني خۏفت خۏفت جدا ليكون ده صح
_ياه للدرجادي الاجابه صعبه
أتكلمت بتوتر_عايزة أوريك حاجه
فتحت الفون ووريته الصورة وراقبت ملامح وشه
بص للصورة بهدوء وبعدين بصلي مداش اي ريأكشن_أنت مصدقاها
هزيت راسي بالنفي
اتنهد ومسك ايدي وضغط عليهم_قبل ما أقول اي حاجه خليكي عارفه اننا حاربنا قد ايه عشان نبقي سوا وخليكي عارفه إني بحبك جدا وعيوني ميملهاش غيرك
اتنهد وكمل كلامه_دي أكيد نانسي اللي عملت الصورة نانسي دي يا ستي صاحبه الشغل اللي طلبته مني رمت نفسها عليا كذا ومرة وكنت بصدها وارفع الدبلة في وشها بس واضح أن الاحترام مبينفعش مع اللي زيها
كنت بصاله ومش برد بس من جوايا كنت مبسوطه بكلامه ومبسوطه أنه مش شايف غيري
اتنهدت_أنت نازل شغلك أمتي بكرة
بصلي بأستغراب لأني تقريبا مردتش علي كلامه
_بكرة واخد اجازة عايز نقضي اليوم سوا
هزيت راسي ودخلت في حضنه بهدوء
_أنا واثقه فيك يا چون مديالك كل الثقه وأنا عارفه أنك بتحترمني سواء في وجودي أو غيابي فأرجوك متخليش الثقه دي تروح
ضمني أكتر لحضنه_أوعدك يا نور عيوني
اليوم عدي بسلام وجيه تاني يوم
صحيت علي حد بيلعب في خدودي_اوعا عايزة أنام
قومي يا كسولة الساعه١٢
برقت_١٢ مصحتنيش ليه أفطرك يا حبوبي
بصلي وابتسم_عشان تنامي براحتك يا عيون حبوبك
أتكلمت وأنا بلف وبديله ضهري_خير ما عملت يلا شوف أنت رايح فين وسبني أنام
بصلي وأتكلم بغيظ_بقي كدا طب قومي فطريني يلا
فضلنا ننكش في بعض شوية وبعدين قومنا عملنا فطار سوا وفطرنا خلصنا ونضفنا مكانا
اتفرجنا علي مسلسل سوا وبعدين قومنا جهزنا عشان كنا هنخرج سوا الباب خبط راح چون فتح قدامي مسمعتش غير صوته وهو بيقول
_نانسي!
يتبع...
_نانسي!
قالها پصدمة وأنا كنت واقفه
متابعة القراءة
